Veisluþjónusta á ættarmóti

Við leituðum til Soho veisluþjónustu til að annast kvöldveislu fyrir ríflega 200 manna ættarmót sem nýverið var haldið austur í sveit á Suðurlandi. Það er skemmst frá því að segja maturinn var einstaklega ljúffengur og bragðgóður ásamt því að vera vel útilátinn og framreiddur af mikilli fagmennsku. Gestirnir lýstu allir yfir almennri ánægju með matinn og framreiðslu hans í veislunni sem átti ekki hvað síst þátt í vel lukkuðu kvöldi. Allt stóðst eins og um var samið í upphafi og engir hnökrar komu upp við afgreiðslu og þjónustu veislunnar. Einstaklega lipur og hlýleg þjónusta í alla staði. Getum heilshugar mælt með Soho veisluþjónustu sem reyndist framúrskarandi í alla staði. Bestu þakkir fyrir okkur.